دایکا شه‌هیدی
روژه‌کا ساربوو،به‌لێ نه‌ئه‌وربوو،تاڤه‌کا بێ مژ بۆ ، به‌فرێ دیمه‌نه‌کێ جوان دابۆ چیایێن زاخۆ دنیا به‌ره‌ف بهارێڤه دچو، بێهنا ئازادیێ زاخو پر کربوو،ده‌م ل لایێ من ب ئاسای دبوری.
ل سه‌ر کورسیه‌کێ لناڤ با‌غچێ خاندنگه‌هێ ئه‌ز رینشتی بوم ، سه‌رێ من چه‌ماندی بۆ ، ئه‌ز یێ مژیل بوم ب خاندنا وانێن خو ،ژ نشکه‌کێڤه سیبه‌ره‌ک ل به‌ر چاڤێ من که‌فت ، ئه‌و تاڤا مندڤیا هه‌ر به‌رێ وێ لمن بیت لێ وێ سیبه‌رێ له‌شێ من دوورپێچکر ، من سه‌رێ خۆ بال وێ سیبه‌رێ ڤه بلند کر ، ژنه‌که کورد ب چاڤه‌کێ تژی روندک و هه‌ر روندکێن وێ دبونه بارانه‌کا نم نم و دهاتنه خوارێ .
ئه‌ز رابوم سه‌رخو:که‌ره‌مکه دادێ ته خێره؟
ئه‌وێ به‌رسڤا من ب چاڤه‌کێ پری روندکڤه‌دا و گوت: کورێ من خودێ وه بپارێزت بۆ مه و ملله‌تێ مه داکو هوین به‌لا هندی ئێکێ دوژمناتیا مه بکه‌ت ژ مه ڤه‌که‌ن!!!!!!!!!!!!!
- ب راستی تشته‌کێ سه‌یر بوو ، چونکی روندکێ وێ نه‌وه‌کی هه‌می که‌سێن دی بۆ ، و هاتنا خوارا وانژی نه‌یا ئاسای بۆ من وه‌سا هزرکر ئه‌و چپکێن خوینا دلێ وێیه دێمێ وێ تژی کرین.
من گوتێ: چ رویدان ب سه‌رێ ته هاتیه دادێ؟ ماتو پێدڤی تشته‌کێ یێ؟
-به‌لێ ژبه‌ر روندکێن خو نه‌شیا به‌رسڤا من بده‌ت،بۆ جارا دووێ ژی من گوتێ هه‌ردیسا نه‌شیا به‌رسڤا من بده‌ت، ئه‌ز نه‌چارکرم پرسیارا خو سێباره بکه‌م ، ئه‌وێ ب چاڤه‌کێ تژی روندک و بدله‌کێ پری کوڤان ئاگر ڤه گوت:کورێ من خودێ مروڤی ئازاد دده‌ت ده‌مێ دهێته سه‌ر دونیایێ ، لێ هنده‌ک ژ وان مرووڤان خۆ فێری زولمێ و کوشتن و تالانکرنێ دکه‌ن وه‌کو (به‌عسیان) ئه‌ڤان مرووڤێن درنده ب دلێ خۆ یێ ره‌ق و دیر ژ ئاینێ مه مرووڤ بن ئاخ دکرن......
- من هه‌ست پێ کر پێن من یێ سست دبن و ئه‌زێ ڤه‌له‌رزم ،من هند شیا ئه‌ز خۆ سه‌ر پیان بگرم ، ئێکسه‌ر ئه‌ز پاشداکه‌تم ل سه‌ر وێ کورسیا بێ هه‌ست و سوز، هه‌ر ئه‌وێ دایکێ به‌رده‌وامی دا ئاخفتنا خۆ و گوت:کورێ من ئه‌ز نه پێدڤی چ تشتیمه بتنێ من هیڤییه‌ک ژ وه هه‌یه هین ب پێنوسێ خویێ زێرین خه‌باتێ بکه‌ن بۆ نه‌هێلانا ڤان جوره مرووڤان ل ناڤ مه‌دا وهین خوینا گوریکه‌رێن ڤێ ئاخێ ژبیر نه‌که‌ن.
- من سه‌رئه‌ڤراز به‌رێ خودایێ و من گوت: دادێ ئه‌ز دزانم ئه‌و گه‌له‌ک یێن زالم بوون و ئه‌وان گه‌له‌ک مروڤێن بێ گونه‌ه یێ بن ئاخ کرین ، چ که‌سێ ته کوشتی یه؟
ئه‌وێ دایکێ ب وێ چاڤێ روندکا داگیرکری و بوی ده‌ڤێ هه‌ست ب وان روندکا دکه‌ت و په‌یڤان دکه‌ت پارچه پارچه گوت:ئه‌وان زالم و خودێ نه‌ترسا زه‌لامێ من دگه‌ل دوو کورێن من یێ هندا کرین هه‌تا نوکه بێ سه‌روشینن و ئه‌ز یێ ل به‌ندا وان.
- ئه‌ڤه گوت و چوو، نه‌ما ل هیڤیا به‌رسڤامن، خه‌ما وێ دایکێ بوو تابلویه‌کێ خه‌مان و گیانێمن ل ناف خودا نقوم کر (چنگ ، چنگا) جه‌ره‌سا (ته‌یاری ) ئه‌ز ژناف وێ کیراتیا هزرێن خه‌ما دایکه‌کا جه‌گه‌ر سوتی ئینام ده‌ر....
- ب وێ په‌ریشانیێ ڤه که‌نییه‌کا خه‌م گین ل سه‌ر لێڤێن من به‌لاڤ بوو و من گوت:که‌سێ زوردار جیهان یا پرکری ژ ئاگرێ خۆ.
